Reduserte bompengesatsar for biogasskøyretøy i Oslo: Samferdselsministeren er positiv og vil ha rask avklaring

Samferdselsminister Jon Georg Dale ber Vegdirektoratet så raskt som mogleg sjå på om køyretøy som bruker 100 prosent biogass kan få redusert takst i bomringen i Oslo. – Eg ønskjer ein snarast mogleg løysing for mindre bompengar for næringslivet, seier Dale.

Styringsgruppa for Oslopakke 3 har vedtatt å gi redusert takst til biogasskøyretøy. Styringsgruppa har bedt Vegdirektoratet starte dei nødvendige prosessane for å få til ein slik takstreduksjon.

I brev til Vegdirektoratet i dag ber samferdselsministeren om at Vegdirektoratet innan 11. juni nærare orientere han om kva for opplegg og plan dei har for å få avklart om det er noko til hinder for at forslaget om redusert takst kan gjennomførast.

– Vegdirektoratet skal vurdere korleis redusert takst eller fritak for køyretøy som brukar biogass kan handterast i samband med passering i bomringen. Dei skal sjå på korleis ein kan kontrollere at køyretøya bruker biogass eller anna gass. Eg har også bedt Vegdirektoratet om å involvere lokale myndigheter i arbeidet på egna måte, seier Dale.

(Pressemelding / NTB)

Leave a reply

Din e-postadresse vil ikke bli publisert. Obligatoriske felt er merket med *

Dette nettstedet bruker Akismet for å redusere spam. Lær om hvordan dine kommentar-data prosesseres.